ਹਰਿਆਣਾ: ਨਾਇਬ ਸਿੰਘ ਸੈਣੀ ਨੇ 2 ਮਾਰਚ 2026 ਨੂੰ ਹਰਿਆਣਾ ਵਿਧਾਨ ਸਭਾ ਵਿੱਚ ਸਾਲ 2026-27 ਦਾ ਬਜਟ ਪੇਸ਼ ਕੀਤਾ। ਇਸ ਵਾਰ ਬਜਟ ਆਪਣੀ ਲੰਬਾਈ ਅਤੇ ਮੁੱਖ ਮੰਤਰੀ ਦੀ ਕੇਸਰੀ ਪੱਗ ਕਾਰਨ ਖਾਸ ਚਰਚਾ ਵਿੱਚ ਰਿਹਾ।
ਮੁੱਖ ਮੰਤਰੀ ਨੇ ਲਗਭਗ ਤਿੰਨ ਘੰਟੇ ਤੱਕ ਬਜਟ ਭਾਸ਼ਣ ਪੜ੍ਹਿਆ, ਜੋ ਹਰਿਆਣਾ ਦੇ ਇਤਿਹਾਸ ਦੇ ਸਭ ਤੋਂ ਲੰਬੇ ਭਾਸ਼ਣਾਂ ਵਿੱਚੋਂ ਇੱਕ ਮੰਨਿਆ ਜਾ ਰਿਹਾ ਹੈ।
ਸਰਕਾਰ ਨੇ ਇਸ ਵਾਰ 2 ਲੱਖ 23 ਹਜ਼ਾਰ 658 ਕਰੋੜ ਰੁਪਏ ਦਾ ਬਜਟ ਪੇਸ਼ ਕੀਤਾ, ਜੋ ਪਿਛਲੇ ਸਾਲ ਨਾਲੋਂ 10.28 ਫੀਸਦੀ ਵੱਧ ਹੈ।
ਉਨ੍ਹਾਂ ਕਿਹਾ ਕਿ ਇਹ ਉਨ੍ਹਾਂ ਦਾ ਵਿੱਤ ਮੰਤਰੀ ਵਜੋਂ ਦੂਜਾ ਬਜਟ ਹੈ ਅਤੇ ਇਹ ਸੂਬੇ ਦੇ ਹਰ ਵਰਗ ਦੀਆਂ ਉਮੀਦਾਂ ਨੂੰ ਧਿਆਨ ਵਿੱਚ ਰੱਖ ਕੇ ਤਿਆਰ ਕੀਤਾ ਗਿਆ ਹੈ।
ਸੀਐਮ ਸੈਣੀ ਨੇ ਦੱਸਿਆ ਕਿ 6 ਜਨਵਰੀ ਤੋਂ 27 ਜਨਵਰੀ ਤੱਕ ਗੁਰੂਗ੍ਰਾਮ ਤੋਂ ਪੰਚਕੂਲਾ ਤੱਕ 13 ਮੀਟਿੰਗਾਂ ਕੀਤੀਆਂ ਗਈਆਂ। ਲਗਭਗ 5,000 ਸੁਝਾਵਾਂ ਨੂੰ ਬਜਟ ਵਿੱਚ ਸ਼ਾਮਲ ਕੀਤਾ ਗਿਆ।
ਉਨ੍ਹਾਂ ਇਹ ਵੀ ਕਿਹਾ ਕਿ ਪਹਿਲੀ ਵਾਰ ਸੂਬੇ ਦੇ ਬਜਟ ਦਾ 98% ਹਿੱਸਾ ਖਰਚ ਹੋਇਆ ਹੈ।
-
2014-15 ਵਿੱਚ ਜੀਡੀਪੀ 4.37 ਲੱਖ ਕਰੋੜ ਸੀ, ਜੋ ਹੁਣ 13.67 ਲੱਖ ਕਰੋੜ ਤੱਕ ਪਹੁੰਚ ਗਈ ਹੈ।
-
ਵਿਕਾਸ ਦਰ 9.5% ਅਨੁਮਾਨਿਤ ਹੈ।
-
ਪ੍ਰਤੀ ਵਿਅਕਤੀ ਆਮਦਨ 1.47 ਲੱਖ ਤੋਂ ਵਧ ਕੇ 3.95 ਲੱਖ ਰੁਪਏ ਹੋ ਗਈ ਹੈ।
-
‘ਹਰਿਆਣਾ ਕਲੀਨ ਏਅਰ ਪ੍ਰੋਜੈਕਟ’ ਲਈ 2,716 ਕਰੋੜ ਰੁਪਏ।
-
‘ਵਾਟਰ ਸਕਿਓਰ ਹਰਿਆਣਾ’ ਲਈ 5,715 ਕਰੋੜ ਰੁਪਏ।
-
AI ਮਿਸ਼ਨ ਲਈ 474 ਕਰੋੜ ਰੁਪਏ, ਜਿਸ ਨਾਲ 1 ਲੱਖ ਨੌਜਵਾਨਾਂ ਨੂੰ ਸਿਖਲਾਈ ਦਿੱਤੀ ਜਾਵੇਗੀ।
ਤੀਜੀ ਬਿਜਲੀ ਵੰਡ ਕੰਪਨੀ ‘ਹਰਿਆਣਾ ਐਗਰੀ ਡਿਸਕੌਮ’ ਬਣੇਗੀ।
-
3 ਲੱਖ ਕਿਸ਼ੋਰੀਆਂ ਨੂੰ HPV ਵੈਕਸੀਨ।
-
ਫਰੀਦਾਬਾਦ ਹਸਪਤਾਲ 400 ਬਿਸਤਰਿਆਂ ਦਾ।
-
ਸੋਨੀਪਤ ਅਤੇ ਰੇਵਾੜੀ ਹਸਪਤਾਲ 300 ਬਿਸਤਰਿਆਂ ਦੇ।
-
70 ਨਵੀਆਂ ਐਂਬੂਲੈਂਸਾਂ।
-
1.40 ਲੱਖ ਏਕੜ ਖਾਰੀ ਜ਼ਮੀਨ ਖੇਤੀਯੋਗ ਬਣੇਗੀ।
-
‘ਮੇਰਾ ਪਾਣੀ-ਮੇਰੀ ਵਿਰਾਸਤ’ ਤਹਿਤ 2,000 ਰੁਪਏ ਪ੍ਰਤੀ ਏਕੜ ਬੋਨਸ।
-
35,000 ਸੋਲਰ ਪੰਪ।
-
3 ਲੱਖ ਔਰਤਾਂ ਨੂੰ ‘ਲਖਪਤੀ ਦੀਦੀ’ ਬਣਾਉਣ ਦਾ ਟੀਚਾ।
-
ਪਿੰਕ ਕੈਬ ਲਈ 10 ਲੱਖ ਰੁਪਏ ਤੱਕ ਬਿਨਾਂ ਵਿਆਜ ਕਰਜ਼ਾ।
-
4,000 ਨਵੇਂ ਰਾਸ਼ਨ ਡਿਪੂ (33% ਔਰਤਾਂ ਲਈ ਰਾਖਵੇਂ)।
-
7 ਨਵੇਂ ਮਹਿਲਾ ਥਾਣੇ।
-
ਮਹਿਲਾਵਾਂ ਲਈ ਬੱਸਾਂ 273 ਤੋਂ ਵਧਾ ਕੇ 500।
-
ਅਗਨੀਵੀਰਾਂ ਨੂੰ ਹਰਿਆਣਾ ਪੁਲਿਸ ਵਿੱਚ 20% ਰਾਖਵਾਂਕਰਨ।
-
ਹਰ ਜ਼ਿਲ੍ਹੇ ਵਿੱਚ ‘ਖੇਲੋ ਇੰਡੀਆ’ ਕੇਂਦਰ।
-
8,000 EWS ਫਲੈਟ।
-
2.20 ਲੱਖ ਘਰਾਂ ‘ਤੇ ਸੋਲਰ ਸਿਸਟਮ।
-
1966 ਵਿੱਚ ਪਹਿਲਾ ਬਜਟ ਸਿਰਫ਼ 154 ਕਰੋੜ ਰੁਪਏ ਸੀ।
-
ਅੱਜ ਬਜਟ 2.23 ਲੱਖ ਕਰੋੜ ਰੁਪਏ ਤੋਂ ਵੱਧ।
-
ਨਿਰਯਾਤ 4.50 ਕਰੋੜ ਤੋਂ ਵਧ ਕੇ 2.75 ਲੱਖ ਕਰੋੜ।
-
ਅਨਾਜ ਉਤਪਾਦਨ 26 ਲੱਖ ਟਨ ਤੋਂ ਵਧ ਕੇ 208.8 ਲੱਖ ਟਨ।
