ਨਵੀਂ ਦਿੱਲੀ—ਵਿਰਾਟ ਕੋਹਲੀ ਪਿਛਲੇ ਹਫ਼ਤੇ ਲਗਭਗ ਪੰਜ ਸਾਲ ਬਾਅਦ ਆਈ.ਸੀ.ਸੀ. ਵਨਡੇ ਬੱਲੇਬਾਜ਼ ਰੈਂਕਿੰਗ ਵਿੱਚ ਨੰਬਰ 1 ਸਥਾਨ ‘ਤੇ ਬੈਠੇ ਸਨ, ਪਰ ਸਿਰਫ਼ ਇੱਕ ਹਫ਼ਤੇ ਬਾਅਦ ਹੀ ਨਿਊਜ਼ੀਲੈਂਡ ਦੇ ਡੇਰਿਲ ਮਿਚੇਲ ਨੇ ਉਨ੍ਹਾਂ ਨੂੰ ਪਿੱਛੇ ਛੱਡਦਿਆਂ ਟੌਪ ਸਥਾਨ ਹਾਸਲ ਕਰ ਲਿਆ।
ਭਾਰਤ ਅਤੇ ਨਿਊਜ਼ੀਲੈਂਡ ਦਰਮਿਆਨ ਖੇਡੀ ਗਈ ਤਿੰਨ ਇਕ ਰੋਜ਼ਾ ਮੈਚਾਂ ਦੀ ਲੜੀ ਵਿੱਚ ਮਿਚੇਲ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਉਸਨੇ ਦੋ ਸੈਂਕੜਿਆਂ ਸਮੇਤ ਕੁੱਲ 352 ਰਨ ਬਣਾਏ, ਜਿਸ ਨਾਲ ਉਸ ਦੀ ਰੇਟਿੰਗ 845 ਅੰਕਾਂ ਤੱਕ ਪਹੁੰਚ ਗਈ, ਜਦਕਿ ਕੋਹਲੀ ਕੋਲ ਹੁਣ 795 ਅੰਕ ਹਨ। ਕੋਹਲੀ ਨੇ ਸੀਰੀਜ਼ ਵਿੱਚ 93, 23 ਅਤੇ 124 ਰਨ ਬਣਾਏ, ਪਰ ਮਿਚੇਲ ਦੇ ਲਗਾਤਾਰ ਵੱਡੇ ਸਕੋਰ ਨੇ ਉਸਨੂੰ ਟੌਪ ‘ਤੇ ਰੱਖਿਆ।
ਤਾਜ਼ਾ ਆਈ.ਸੀ.ਸੀ. ਰੈਂਕਿੰਗ ਮੁਤਾਬਕ ਟੌਪ 5 ਬੱਲੇਬਾਜ਼ਾਂ ਦੀ ਸੂਚੀ ਇਸ ਪ੍ਰਕਾਰ ਹੈ:
- ਡੇਰਿਲ ਮਿਚੇਲ (ਨਿਊਜ਼ੀਲੈਂਡ) – 845 ਅੰਕ
- ਵਿਰਾਟ ਕੋਹਲੀ (ਭਾਰਤ) – 795 ਅੰਕ
- ਇਬਰਾਹਿਮ ਜ਼ਦਰਾਨ (ਅਫਗਾਨਿਸਤਾਨ) – 764 ਅੰਕ
- ਰੋਹਿਤ ਸ਼ਰਮਾ (ਭਾਰਤ) – 757 ਅੰਕ
- ਸ਼ੁਭਮਨ ਗਿੱਲ (ਭਾਰਤ) – 723 ਅੰਕ
ਮਿਚੇਲ ਨੇ ਇਕ ਰੋਜ਼ਾ ਕਰੀਅਰ ਵਿੱਚ ਦੂਜੀ ਵਾਰ ਨੰਬਰ 1 ਸਥਾਨ ਹਾਸਲ ਕੀਤਾ ਹੈ। ਇਸ ਤੋਂ ਪਹਿਲਾਂ ਉਹ ਨਵੰਬਰ 2025 ਵਿੱਚ ਇਸ ਸਥਾਨ ‘ਤੇ ਰਹਿ ਚੁੱਕੇ ਹਨ।
