24 ਸਾਲਾ ਕਰਨਾਟਕ ਦੇ ਗੋਲਕੀਪਰ ਮੋਹਿਤ ਐੱਚ.ਐੱਸ. ਐੱਫਆਈਐੱਚ ਹਾਕੀ ਵਰਲਡ ਕੱਪ ਵਿੱਚ ਭਾਰਤ ਦੀ ਨੁਮਾਇੰਦਗੀ ਕਰਕੇ ਆਪਣਾ ਜੀਵਨ ਭਰ ਦਾ ਸੁਪਨਾ ਪੂਰਾ ਕਰਨ ਲਈ ਤਿਆਰ ਹਨ। 15 ਤੋਂ 30 ਅਗਸਤ ਤੱਕ ਨੈਦਰਲੈਂਡਜ਼ ਅਤੇ ਬੈਲਜੀਅਮ ਦੀ ਸਾਂਝੀ ਮੇਜ਼ਬਾਨੀ ਵਿੱਚ ਹੋਣ ਵਾਲੇ ਟੂਰਨਾਮੈਂਟ ਲਈ ਉਹ ਤਜਰਬੇਕਾਰ ਗੋਲਕੀਪਰ ਸੂਰਜ ਕਰਕੇਰਾ ਨਾਲ ਭਾਰਤੀ ਟੀਮ ਦਾ ਹਿੱਸਾ ਹੋਣਗੇ।
ਮੋਹਿਤ ਦੀ ਹਾਕੀ ਯਾਤਰਾ ਇੱਕ ਅਚਾਨਕ ਮੌਕੇ ਨਾਲ ਸ਼ੁਰੂ ਹੋਈ ਸੀ। ਸਕੂਲ ਦੀ ਟੀਮ ਵਿੱਚ ਗੋਲਕੀਪਰ ਨਾ ਹੋਣ ਕਰਕੇ ਕੋਚ ਨੇ ਉਸ ਨੂੰ ਇਹ ਜ਼ਿੰਮੇਵਾਰੀ ਦਿੱਤੀ, ਕਿਉਂਕਿ ਉਸ ਦਾ ਕੱਦ ਇਸ ਪੋਜ਼ੀਸ਼ਨ ਲਈ ਉਚਿਤ ਸੀ। ਇਹ ਮੌਕਾ ਅੱਗੇ ਚੱਲ ਕੇ ਉਸ ਦੇ ਸਫ਼ਲ ਕਰੀਅਰ ਦੀ ਬੁਨਿਆਦ ਬਣਿਆ।
ਮੋਹਿਤ ਪਹਿਲਾਂ ਜੂਨੀਅਰ ਵਰਲਡ ਕੱਪ ਵਿੱਚ ਭਾਰਤ ਦੀ ਨੁਮਾਇੰਦਗੀ ਕਰ ਚੁੱਕੇ ਹਨ ਅਤੇ ਹੁਣ ਸੀਨੀਅਰ ਟੀਮ ਵਿੱਚ ਆਪਣੀ ਥਾਂ ਮਜ਼ਬੂਤ ਕਰਦੇ ਹੋਏ ਹਾਕੀ ਵਰਲਡ ਕੱਪ ਵਿੱਚ ਉਤਰਣ ਲਈ ਤਿਆਰ ਹਨ। ਹਾਕੀ ਇੰਡੀਆ ਨਾਲ ਗੱਲਬਾਤ ਦੌਰਾਨ ਉਨ੍ਹਾਂ ਕਿਹਾ ਕਿ ਵੱਡੇ ਟੂਰਨਾਮੈਂਟਾਂ ਵਿੱਚ ਭਾਰਤ ਦੀ ਨੁਮਾਇੰਦਗੀ ਕਰਨਾ ਅਤੇ ਦੇਸ਼ ਲਈ ਕੁਝ ਵੱਡਾ ਕਰਨਾ ਹਮੇਸ਼ਾ ਉਨ੍ਹਾਂ ਦਾ ਸੁਪਨਾ ਰਿਹਾ ਹੈ।
