ਲੇਬਨਾਨ: ਮੱਧ ਪੂਰਬ ਵਿੱਚ ਵਧਦੇ ਟਕਰਾਅ ਦੌਰਾਨ ਰਾਜਧਾਨੀ ਬੇਰੂਤ ਵਿੱਚ ਤੜਕੇ ਹੋਏ ਹਵਾਈ ਹਮਲਿਆਂ ਨਾਲ ਸਥਿਤੀ ਹੋਰ ਗੰਭੀਰ ਹੋ ਗਈ ਹੈ। ਮਿਨਿਸਟਰੀ ਆਫ ਪਬਲਿਕ ਹੈਲਥ ਲੈਬਨਾਨ ਮੁਤਾਬਕ ਘੱਟੋ-ਘੱਟ 6 ਲੋਕ ਮਾਰੇ ਗਏ ਅਤੇ 24 ਜ਼ਖਮੀ ਹੋਏ ਹਨ।
ਹਮਲੇ ਮੁੱਖ ਤੌਰ ‘ਤੇ ਜ਼ੋਕਾਕ ਅਲ-ਬਲਾਤ ਅਤੇ ਬਸਤਾ ਅਲ-ਫਾਵਕਾ ਖੇਤਰਾਂ ਵਿੱਚ ਰਿਹਾਇਸ਼ੀ ਇਮਾਰਤਾਂ ‘ਤੇ ਹੋਏ, ਜਿੱਥੇ ਭਾਰੀ ਤਬਾਹੀ ਦੀਆਂ ਰਿਪੋਰਟਾਂ ਹਨ। ਬਚਾਅ ਟੀਮਾਂ ਮਲਬੇ ਵਿੱਚੋਂ ਮਨੁੱਖੀ ਅਵਸ਼ੇਸ਼ ਬਰਾਮਦ ਕਰ ਰਹੀਆਂ ਹਨ ਅਤੇ ਮ੍ਰਿਤਕਾਂ ਦੀ ਪਛਾਣ ਲਈ ਡੀ.ਐਨ.ਏ. ਟੈਸਟਿੰਗ ਕੀਤੀ ਜਾਵੇਗੀ। ਰਾਹਤ ਕਾਰਜ ਜਾਰੀ ਹਨ।
ਰਿਪੋਰਟਾਂ ਅਨੁਸਾਰ, ਇਜ਼ਰਾਇਲ ਡਿਫੇਂਸ ਫੋਰਸ ਵੱਲੋਂ ਬੇਰੂਤ ਦੇ ਦੱਖਣੀ ਹਿੱਸਿਆਂ ਵਿੱਚ ਹੋਰ ਦੋ ਹਵਾਈ ਹਮਲੇ ਕੀਤੇ ਗਏ। ਇਹ ਹਮਲੇ ਉਸ ਵੇਲੇ ਹੋਏ ਹਨ ਜਦੋਂ ਹਜ਼ਬੁੱਲਾ ਨਾਲ ਤਣਾਅ ਲਗਾਤਾਰ ਵਧ ਰਿਹਾ ਹੈ।
ਮਾਹਿਰਾਂ ਚੇਤਾਵਨੀ ਦੇ ਰਹੇ ਹਨ ਕਿ ਨਾਗਰਿਕ ਖੇਤਰਾਂ ‘ਤੇ ਹਮਲੇ ਟਕਰਾਅ ਨੂੰ ਹੋਰ ਖਤਰਨਾਕ ਮੋੜ ਦੇ ਸਕਦੇ ਹਨ ਅਤੇ ਮਨੁੱਖੀ ਸੰਗੀਨਤਾ ਵਧਾ ਸਕਦੇ ਹਨ।
