ਚੰਡੀਗੜ੍ਹ: ਚੰਡੀਗੜ੍ਹ ਐਡਮਿਨਿਸਟਰੈਸ਼ਨ ਵੱਲੋਂ ਸਾਲ 2026-27 ਲਈ ਨਵੀਂ ਆਬਕਾਰੀ ਨੀਤੀ (Excise Policy) ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਨਵੀਂ ਨੀਤੀ ਅਨੁਸਾਰ ਇੰਡੀਅਨ ਮੇਡ ਫੌਰਨ ਲਿਕਰ (IMFL) ਅਤੇ ਬੀਅਰ ਦੀਆਂ ਕੀਮਤਾਂ ਵਿੱਚ ਲਗਭਗ 2 ਫੀਸਦੀ ਤੱਕ ਵਾਧਾ ਕੀਤਾ ਗਿਆ ਹੈ। ਇਹ ਨਵੀਆਂ ਦਰਾਂ 1 ਅਪ੍ਰੈਲ 2026 ਤੋਂ ਲਾਗੂ ਹੋਣਗੀਆਂ ਅਤੇ 31 ਮਾਰਚ 2027 ਤੱਕ ਪ੍ਰਭਾਵਸ਼ਾਲੀ ਰਹਿਣਗੀਆਂ।
ਕਿੰਨਾ ਵਧੇਗਾ ਖਰਚ?
-
₹500 ਦੀ ਬੋਤਲ ਹੁਣ ਲਗਭਗ ₹510 ਹੋ ਜਾਵੇਗੀ
-
₹2000 ਦੀ ਬੋਤਲ ਲਈ ਹੁਣ ਕਰੀਬ ₹2040 ਦੇਣੇ ਪੈਣਗੇ
ਕੀਮਤਾਂ ਵਿੱਚ ਵਾਧੇ ਨਾਲ ਗਾਹਕਾਂ ‘ਤੇ ਸਿੱਧਾ ਅਸਰ ਪਵੇਗਾ, ਖਾਸ ਕਰਕੇ ਉਹਨਾਂ ‘ਤੇ ਜੋ ਪ੍ਰੀਮੀਅਮ ਬ੍ਰਾਂਡ ਖਰੀਦਦੇ ਹਨ।
ਡਿਪਾਰਟਮੈਂਟਲ ਸਟੋਰਾਂ ‘ਚ ਵੀ ਵਿਕਰੀ ਮਨਜ਼ੂਰ
ਪ੍ਰਸ਼ਾਸਨ ਨੇ ਇੱਕ ਹੋਰ ਮਹੱਤਵਪੂਰਨ ਫੈਸਲਾ ਲੈਂਦਿਆਂ ਹੁਣ ਡਿਪਾਰਟਮੈਂਟਲ ਸਟੋਰਾਂ ਵਿੱਚ ਵੀ ਸ਼ਰਾਬ ਦੀ ਵਿਕਰੀ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਇਸ ਨਾਲ ਸ਼ਹਿਰ ਵਾਸੀਆਂ ਲਈ ਉਪਲਬਧਤਾ ਵਧੇਗੀ ਅਤੇ ਖਰੀਦ ਪ੍ਰਕਿਰਿਆ ਹੋਰ ਆਸਾਨ ਹੋਵੇਗੀ।
ਨਵੀਂ ਆਬਕਾਰੀ ਨੀਤੀ ਦੇ ਲਾਗੂ ਹੋਣ ਨਾਲ ਰਾਜਸਵ ਵਿੱਚ ਵਾਧੇ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ, ਹਾਲਾਂਕਿ ਕੀਮਤਾਂ ਵਿੱਚ ਵਾਧਾ ਗਾਹਕਾਂ ਦੀ ਜੇਬ ‘ਤੇ ਅਸਰ ਕਰੇਗਾ।
