ਜੰਮੂ: ਜੰਮੂ ਪਾਵਰ ਡਿਸਟ੍ਰੀਬਿਊਸ਼ਨ ਕਾਰਪੋਰੇਸ਼ਨ ਲਿਮਟਿਡ (ਜੇਪੀਡੀਸੀਐਲ) ਨੇ ਜ਼ਰੂਰੀ ਰੱਖ-ਰਖਾਅ ਅਤੇ ਤਕਨੀਕੀ ਕੰਮਾਂ ਨੂੰ ਧਿਆਨ ਵਿੱਚ ਰੱਖਦਿਆਂ 27 ਅਤੇ 28 ਜੂਨ ਨੂੰ ਜੰਮੂ ਡਿਵੀਜ਼ਨ ਦੇ ਕਈ ਖੇਤਰਾਂ ਵਿੱਚ ਅਸਥਾਈ ਤੌਰ ‘ਤੇ ਬਿਜਲੀ ਸਪਲਾਈ ਬੰਦ ਰਹਿਣ ਦੀ ਸੂਚਨਾ ਜਾਰੀ ਕੀਤੀ ਹੈ। ਵਿਭਾਗ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਪਹਿਲਾਂ ਤੋਂ ਲੋੜੀਂਦੇ ਪ੍ਰਬੰਧ ਕਰ ਲੈਣ ਤਾਂ ਜੋ ਕਿਸੇ ਤਰ੍ਹਾਂ ਦੀ ਅਸੁਵਿਧਾ ਦਾ ਸਾਹਮਣਾ ਨਾ ਕਰਨਾ ਪਵੇ।
ਚੀਫ਼ ਇੰਜਨੀਅਰ (ਵੰਡ) ਦੇ ਦਫ਼ਤਰ ਵੱਲੋਂ ਜਾਰੀ ਜਾਣਕਾਰੀ ਅਨੁਸਾਰ 28 ਜੂਨ ਨੂੰ ਸਵੇਰੇ 6 ਵਜੇ ਤੋਂ ਦੁਪਹਿਰ 12 ਵਜੇ ਤੱਕ 320 ਐਮਵੀਏ 220/132/66 ਕੇਵੀ ਗਰਿੱਡ ਸਟੇਸ਼ਨ ਹੀਰਾਨਗਰ ਅਤੇ ਇਸ ਨਾਲ ਜੁੜੀਆਂ ਕਈ ਉੱਚ ਵੋਲਟੇਜ ਟਰਾਂਸਮਿਸ਼ਨ ਲਾਈਨਾਂ ‘ਤੇ ਰੱਖ-ਰਖਾਅ ਦਾ ਕੰਮ ਕੀਤਾ ਜਾਵੇਗਾ। ਇਸ ਦੌਰਾਨ ਕਠੂਆ, ਮਹਾਂਪੁਰ, ਸੇਵਾ, ਸਾਂਬਾ, ਬਿੱਲਾਵਰ, ਘਾਟੀ, ਦਿਆਲਚੱਕ, ਹੀਰਾਨਗਰ ਅਤੇ ਆਲੇ-ਦੁਆਲੇ ਦੇ ਇਲਾਕਿਆਂ ਸਮੇਤ ਮਨਵਾਲ ਦੀ ਰੇਲਵੇ ਟਰੈਕਸ਼ਨ ਸਪਲਾਈ ਪ੍ਰਭਾਵਿਤ ਰਹੇਗੀ।
ਇਸ ਤੋਂ ਇਲਾਵਾ 27 ਜੂਨ ਨੂੰ ਸਵੇਰੇ 8 ਵਜੇ ਤੋਂ ਦੁਪਹਿਰ 3 ਵਜੇ ਤੱਕ 33 ਕੇਵੀ ਡੈੱਡਪਾਥ-2 ਲਾਈਨ ‘ਤੇ ਕੰਮ ਹੋਣ ਕਾਰਨ ਛੱਤਰੂ, ਮੁਗਲਮੈਦਾਨ, ਇਖਾਲਾ, ਦਛਨ ਅਤੇ ਨੇੜਲੇ ਖੇਤਰਾਂ ਵਿੱਚ ਬਿਜਲੀ ਸਪਲਾਈ ਬੰਦ ਰਹੇਗੀ। ਜਦਕਿ 28 ਜੂਨ ਨੂੰ ਸਵੇਰੇ 9 ਵਜੇ ਤੋਂ ਦੁਪਹਿਰ 3 ਵਜੇ ਤੱਕ 66 ਕੇਵੀ ਬਸੰਤਪੁਰ ਟੈਪ ਲਾਈਨ ਬੰਦ ਰਹਿਣ ਕਾਰਨ ਧੰਨਾ, ਠਾਣੇ, ਬਸੰਤਪੁਰ, ਲਖਨਪੁਰ ਅਤੇ ਆਸ-ਪਾਸ ਦੇ ਇਲਾਕਿਆਂ ਨਾਲ ਮਨਵਾਲ ਦੀ ਰੇਲਵੇ ਟਰੈਕਸ਼ਨ ਸਪਲਾਈ ਵੀ ਪ੍ਰਭਾਵਿਤ ਹੋਵੇਗੀ।
ਵਿਭਾਗ ਨੇ ਇਹ ਵੀ ਦੱਸਿਆ ਕਿ 27 ਜੂਨ ਨੂੰ ਸਵੇਰੇ 6 ਵਜੇ ਤੋਂ 10 ਵਜੇ ਤੱਕ 33 ਕੇਵੀ ਏਅਰ ਫੋਰਸ, ਡੀਆਈਸੀ ਅਤੇ ਊਧਮਪੁਰ-2 ਲਾਈਨਾਂ ਦੀ ਬਿਜਲੀ ਸਪਲਾਈ ਬੰਦ ਰਹੇਗੀ। ਇਸ ਕਾਰਨ ਬੱਟਲ ਬਾਲੀਆਂ, ਇੰਡਸਟਰੀਅਲ ਅਸਟੇਟ ਰਾਠੀਆਂ, ਮਲਹਾਰ, ਸ਼ਕਤੀ ਨਗਰ, ਧਾਰ ਰੋਡ, ਪਾਈਨ ਵਿਲਾ, ਡੀਸੀ ਦਫ਼ਤਰ ਅਤੇ ਨੇੜਲੇ ਇਲਾਕੇ ਪ੍ਰਭਾਵਿਤ ਰਹਿਣਗੇ। ਇਸੇ ਦਿਨ ਸ਼ਾਮ 4 ਵਜੇ ਤੋਂ 6 ਵਜੇ ਤੱਕ 33 ਕੇਵੀ ਜਾਨੀਪੁਰ-ਸ਼ੀਤਲੀ ਅਤੇ ਸਿੱਧਰਾ-ਸ਼ੀਤਲੀ ਲਾਈਨਾਂ ‘ਤੇ ਵੀ ਰੱਖ-ਰਖਾਅ ਦਾ ਕੰਮ ਕੀਤਾ ਜਾਵੇਗਾ, ਜਿਸ ਕਾਰਨ ਸ਼ੀਤਲੀ, ਸਿੱਧਰਾ, ਬਮਿਆਲ, ਐਮਈਐਸ ਨਗਰੋਟਾ, ਪੀਐਚਈ ਸ਼ੀਤਲੀ ਅਤੇ ਆਲੇ-ਦੁਆਲੇ ਦੇ ਖੇਤਰਾਂ ਵਿੱਚ ਬਿਜਲੀ ਸਪਲਾਈ ਬੰਦ ਰਹੇਗੀ।
ਜੇਪੀਡੀਸੀਐਲ ਨੇ ਕਿਹਾ ਹੈ ਕਿ ਰੱਖ-ਰਖਾਅ ਦਾ ਇਹ ਕੰਮ ਬਿਜਲੀ ਪ੍ਰਣਾਲੀ ਨੂੰ ਹੋਰ ਮਜ਼ਬੂਤ ਅਤੇ ਭਰੋਸੇਯੋਗ ਬਣਾਉਣ ਲਈ ਕੀਤਾ ਜਾ ਰਿਹਾ ਹੈ। ਵਿਭਾਗ ਨੇ ਲੋਕਾਂ ਨੂੰ ਸਹਿਯੋਗ ਕਰਨ ਅਤੇ ਬਿਜਲੀ ਬੰਦ ਰਹਿਣ ਦੇ ਸਮੇਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਆਪਣੇ ਜ਼ਰੂਰੀ ਕੰਮ ਪਹਿਲਾਂ ਹੀ ਨਿਪਟਾਉਣ ਦੀ ਅਪੀਲ ਕੀਤੀ ਹੈ।
