ਚੰਡੀਗੜ੍ਹ: ਚੰਡੀਗੜ੍ਹ ਸ਼ਹਿਰ ਦੇ ਸੈਕਟਰ 29 ਚੰਡੀਗੜ੍ਹ ਵਿੱਚ ਤੇਂਦੂਆ ਦਿਖਾਈ ਦੇਣ ਦੀ ਖ਼ਬਰ ਨਾਲ ਲੋਕਾਂ ਵਿੱਚ ਡਰ ਅਤੇ ਸਹਿਮ ਦਾ ਮਾਹੌਲ ਬਣ ਗਿਆ। ਬੁੱਧਵਾਰ ਰਾਤ ਸੂਚਨਾ ਮਿਲਣ ‘ਤੇ ਪੁਲਿਸ ਅਤੇ ਜੰਗਲਾਤ ਵਿਭਾਗ ਦੀਆਂ ਟੀਮਾਂ ਮੌਕੇ ‘ਤੇ ਪਹੁੰਚ ਗਈਆਂ ਅਤੇ ਸਾਰੀ ਰਾਤ ਤਲਾਸ਼ੀ ਅਭਿਆਨ ਚਲਾਇਆ ਗਿਆ, ਪਰ ਜਾਨਵਰ ਦਾ ਕੋਈ ਪੱਕਾ ਸੁਰਾਗ ਨਹੀਂ ਮਿਲਿਆ।
ਸੀਸੀਟੀਵੀ ਵਿੱਚ ਕੈਦ ਹੋਇਆ ਤੇਂਦੂਆ
ਉਹ ਆਪਣੇ ਬੱਚਿਆਂ ਨਾਲ ਸੈਰ ਲਈ ਪਾਰਕ ਵਿੱਚ ਗਈ ਹੋਈ ਸੀ। ਤੇਂਦੂਆ ਦੇਖਦੇ ਹੀ ਉਹ ਘਬਰਾ ਗਈ ਅਤੇ ਬੱਚਿਆਂ ਨੂੰ ਲੈ ਕੇ ਤੁਰੰਤ ਬਾਹਰ ਆ ਗਈ। ਬਾਅਦ ਵਿੱਚ ਉਸਦੇ ਪਤੀ ਨੇ ਨੇੜਲੇ ਪੀਰ ਦਰਗਾਹ ਦੇ ਲੋਕਾਂ ਨੂੰ ਸੂਚਿਤ ਕੀਤਾ, ਜਿਸ ਤੋਂ ਬਾਅਦ ਖ਼ਬਰ ਇਲਾਕੇ ਵਿੱਚ ਤੇਜ਼ੀ ਨਾਲ ਫੈਲ ਗਈ।
ਪੁਲਿਸ ਅਤੇ ਜੰਗਲਾਤ ਵਿਭਾਗ ਸਰਗਰਮ
ਸੂਚਨਾ ਮਿਲਦੇ ਹੀ ਚੰਡੀਗੜ੍ਹ ਪੁਲਿਸ ਅਤੇ ਜੰਗਲਾਤ ਵਿਭਾਗ ਦੀਆਂ ਟੀਮਾਂ ਮੌਕੇ ‘ਤੇ ਪਹੁੰਚ ਗਈਆਂ। ਇਲਾਕੇ ਵਿੱਚ ਰਾਤ ਭਰ ਗਸ਼ਤ ਕੀਤੀ ਗਈ ਅਤੇ ਲੋਕਾਂ ਨੂੰ ਘਰਾਂ ਵਿੱਚ ਰਹਿਣ ਦੀ ਅਪੀਲ ਕੀਤੀ ਗਈ।
ਅਧਿਕਾਰੀਆਂ ਨੇ ਕਿਹਾ ਹੈ ਕਿ ਤਲਾਸ਼ੀ ਜਾਰੀ ਹੈ ਅਤੇ ਜੇਕਰ ਤੇਂਦੂਆ ਇਲਾਕੇ ਵਿੱਚ ਹੈ ਤਾਂ ਉਸਨੂੰ ਸੁਰੱਖਿਅਤ ਤਰੀਕੇ ਨਾਲ ਕਾਬੂ ਕੀਤਾ ਜਾਵੇਗਾ।
ਲੋਕਾਂ ਲਈ ਸਲਾਹ
-
ਰਾਤ ਦੇ ਸਮੇਂ ਇਕੱਲੇ ਬਾਹਰ ਨਾ ਨਿਕਲਣ।
-
ਬੱਚਿਆਂ ਨੂੰ ਪਾਰਕ ਜਾਂ ਖੁੱਲ੍ਹੇ ਇਲਾਕਿਆਂ ਵਿੱਚ ਇਕੱਲਾ ਨਾ ਛੱਡਣ।
-
ਕੋਈ ਵੀ ਸੰਦੇਹਜਨਕ ਗਤੀਵਿਧੀ ਵੇਖਣ ‘ਤੇ ਤੁਰੰਤ ਪੁਲਿਸ ਨੂੰ ਸੂਚਿਤ ਕਰਨ।
ਸਥਾਨਕ ਲੋਕਾਂ ਵਿੱਚ ਹਾਲੇ ਵੀ ਡਰ ਦਾ ਮਾਹੌਲ ਹੈ ਅਤੇ ਉਹ ਜਲਦੀ ਹਾਲਾਤ ਸਧਰਨ ਦੀ ਉਮੀਦ ਕਰ ਰਹੇ ਹਨ।
