ਹਰਿਆਣਾ: ਏਸ਼ੀਅਨ ਖੇਡਾਂ 2026 ਲਈ ਭਾਰਤੀ ਕੁਸ਼ਤੀ ਟੀਮ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। 19 ਸਤੰਬਰ ਤੋਂ 4 ਅਕਤੂਬਰ ਤੱਕ ਹੋਣ ਵਾਲੀਆਂ ਏਸ਼ੀਅਨ ਖੇਡਾਂ ਲਈ ਚੁਣੀ ਗਈ 18 ਮੈਂਬਰੀ ਭਾਰਤੀ ਕੁਸ਼ਤੀ ਟੀਮ ਵਿੱਚ ਸਾਰੇ ਖਿਡਾਰੀ ਹਰਿਆਣਾ ਨਾਲ ਸਬੰਧਤ ਹਨ, ਜੋ ਸੂਬੇ ਲਈ ਮਾਣ ਵਾਲੀ ਗੱਲ ਹੈ।
ਦੋ ਦਿਨ ਤੱਕ ਚੱਲੇ ਟਰਾਇਲਾਂ ਤੋਂ ਬਾਅਦ ਭਾਰਤੀ ਟੀਮ ਦੀ ਚੋਣ ਕੀਤੀ ਗਈ। ਖਾਸ ਗੱਲ ਇਹ ਹੈ ਕਿ ਪਿਛਲੀਆਂ ਏਸ਼ੀਅਨ ਖੇਡਾਂ ਵਿੱਚ ਵੀ ਹਰਿਆਣਾ ਦੇ ਸੱਤ ਪਹਿਲਵਾਨਾਂ ਨੇ ਭਾਰਤ ਲਈ ਤਗਮੇ ਜਿੱਤੇ ਸਨ। ਭਾਵੇਂ ਕੁਝ ਖਿਡਾਰੀ ਰੇਲਵੇ, ਫੌਜ ਜਾਂ ਹੋਰ ਸੰਸਥਾਵਾਂ ਦੀ ਨੁਮਾਇੰਦਗੀ ਕਰਦੇ ਹਨ, ਪਰ ਉਨ੍ਹਾਂ ਦੀਆਂ ਜੜ੍ਹਾਂ ਹਰਿਆਣਾ ਨਾਲ ਹੀ ਜੁੜੀਆਂ ਹੋਈਆਂ ਹਨ।
ਪੁਰਸ਼ ਫ੍ਰੀਸਟਾਈਲ ਟੀਮ:
57 ਕਿਲੋ – ਅਮਨ ਸਹਿਰਾਵਤ
65 ਕਿਲੋ – ਸੁਜੀਤ ਕਾਲਕਲ
74 ਕਿਲੋ – ਸਾਗਰ ਜਗਲਾਨ
86 ਕਿਲੋ – ਮੁਕੁਲ ਦਹੀਆ
97 ਕਿਲੋ – ਦੀਪਕ ਪੁਨੀਆ
125 ਕਿਲੋ – ਰਜਤ ਰੁਹਾਲ
ਮਹਿਲਾ ਫ੍ਰੀਸਟਾਈਲ ਟੀਮ:
50 ਕਿਲੋ – ਦੀਪਾਂਸ਼ੀ ਰਾਠੀ
53 ਕਿਲੋ – ਅੰਤਿਮ ਪੰਘਾਲ
57 ਕਿਲੋ – ਮਨੀਸ਼ਾ ਭਾਨਵਾਲਾ
62 ਕਿਲੋ – ਮਾਨਸੀ ਅਹਲਾਵਤ
68 ਕਿਲੋ – ਨਿਸ਼ਾ ਦਹੀਆ
76 ਕਿਲੋ – ਪ੍ਰਿਆ ਮਲਿਕ
ਪੁਰਸ਼ ਗ੍ਰੀਕੋ-ਰੋਮਨ ਟੀਮ:
60 ਕਿਲੋ – ਸੁਮਿਤ
67 ਕਿਲੋ – ਦੀਪਕ
77 ਕਿਲੋ – ਅਮਨ
87 ਕਿਲੋ – ਸੁਨੀਲ ਕੁਮਾਰ
97 ਕਿਲੋ – ਨਿਤੇਸ਼
130 ਕਿਲੋ – ਦੀਪਾਂਸ਼ੂ
ਖੇਡ ਮਾਹਿਰਾਂ ਦਾ ਮੰਨਣਾ ਹੈ ਕਿ ਹਰਿਆਣਾ ਦੇ ਪਹਿਲਵਾਨਾਂ ਦੀ ਇਹ ਮਜ਼ਬੂਤ ਟੀਮ ਏਸ਼ੀਅਨ ਖੇਡਾਂ ਵਿੱਚ ਭਾਰਤ ਲਈ ਕਈ ਤਗਮੇ ਜਿੱਤਣ ਦੀ ਸਮਰੱਥਾ ਰੱਖਦੀ ਹੈ। ਹਰਿਆਣਾ ਲੰਬੇ ਸਮੇਂ ਤੋਂ ਦੇਸ਼ ਨੂੰ ਵਿਸ਼ਵ ਪੱਧਰੀ ਪਹਿਲਵਾਨ ਦੇਣ ਵਿੱਚ ਅਹਿਮ ਭੂਮਿਕਾ ਨਿਭਾਉਂਦਾ ਆ ਰਿਹਾ ਹੈ ਅਤੇ ਇਸ ਵਾਰ ਵੀ ਸੂਬੇ ਤੋਂ ਵੱਡੀਆਂ ਉਮੀਦਾਂ ਹਨ।
