ਆਈਪੀਐਲ ਦੇ ਮੈਚ ਵਿੱਚ ਰੌਇਲ ਚੈਲੈਂਜਰਜ਼ ਬੈਂਗਲੁਰੂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਸੀਜ਼ਨ ਦੀ ਆਪਣੀ ਚੌਥੀ ਜਿੱਤ ਹਾਸਲ ਕਰ ਲਈ। ਬੁੱਧਵਾਰ ਨੂੰ ਖੇਡੇ ਗਏ ਇਸ ਮੁਕਾਬਲੇ ਵਿੱਚ ਬੈਂਗਲੁਰੂ ਨੇ ਲਖਨਊ ਸੁਪਰ ਜਾਇੰਟਸ ਨੂੰ 5 ਵਿਕਟਾਂ ਨਾਲ ਹਰਾਇਆ।
ਬੈਂਗਲੁਰੂ ਨੇ ਆਪਣੇ ਘਰੇਲੂ ਮੈਦਾਨ ’ਤੇ 147 ਦੌੜਾਂ ਦਾ ਟੀਚਾ ਸਿਰਫ 15.1 ਓਵਰਾਂ ਵਿੱਚ 5 ਵਿਕਟਾਂ ਗੁਆ ਕੇ ਪੂਰਾ ਕਰ ਲਿਆ। ਇਸ ਤੋਂ ਪਹਿਲਾਂ ਲਖਨਊ ਦੀ ਟੀਮ ਪੂਰੇ 20 ਓਵਰ ਖੇਡਦਿਆਂ 146 ਦੌੜਾਂ ’ਤੇ ਆਲਆਊਟ ਹੋ ਗਈ ਸੀ।
ਮੁਕਾਬਲੇ ਦੌਰਾਨ ਕਿਸੇ ਵੀ ਬੱਲੇਬਾਜ਼ ਵੱਲੋਂ ਅਰਧ ਸੈਂਕੜਾ ਨਹੀਂ ਲਗਾਇਆ ਗਿਆ। ਬੈਂਗਲੁਰੂ ਲਈ ਸਭ ਤੋਂ ਵੱਧ ਦੌੜਾਂ ਵਿਰਾਟ ਕੋਹਲੀ ਨੇ ਬਣਾਈਆਂ, ਜੋ 49 ਦੌੜਾਂ ’ਤੇ ਆਉਟ ਹੋ ਗਏ ਅਤੇ ਸਿਰਫ਼ ਇੱਕ ਦੌੜ ਨਾਲ ਅੱਧੀ ਸੈਂਚਰੀ ਤੋਂ ਵਾਂਝੇ ਰਹੇ। ਇਸ ਤੋਂ ਇਲਾਵਾ ਰਜਤ ਪਟੀਦਾਰ ਨੇ 27 ਅਤੇ ਜਿਤੇਸ਼ ਸ਼ਰਮਾ ਨੇ 23 ਦੌੜਾਂ ਦਾ ਯੋਗਦਾਨ ਦਿੱਤਾ।
ਗੇਂਦਬਾਜ਼ੀ ਵਿੱਚ ਬੈਂਗਲੁਰੂ ਦੀ ਪੱਖੋਂ ਆਰ ਸਲਾਮ ਨੇ ਕਮਾਲ ਦਾ ਪ੍ਰਦਰਸ਼ਨ ਕਰਦੇ ਹੋਏ 4 ਵਿਕਟਾਂ ਆਪਣੇ ਨਾਮ ਕੀਤੀਆਂ। ਭੁਵਨੇਸ਼ਵਰ ਕੁਮਾਰ ਨੇ 3 ਅਤੇ ਕਰੁਣਾਲ ਪਾਂਡਿਆ ਨੇ 2 ਵਿਕਟਾਂ ਹਾਸਲ ਕੀਤੀਆਂ। ਦੂਜੇ ਪਾਸੇ ਲਖਨਊ ਦੀ ਟੀਮ ਵੱਲੋਂ ਮਿਚੇਲ ਮਾਰਸ਼ ਨੇ ਸਭ ਤੋਂ ਵੱਧ 40 ਦੌੜਾਂ ਬਣਾਈਆਂ।
ਇਸ ਜਿੱਤ ਦੇ ਨਾਲ ਬੈਂਗਲੁਰੂ ਦੀ ਟੀਮ ਨੇ ਪੁਆਇੰਟਸ ਟੇਬਲ ਵਿੱਚ ਸਿਰਮੌਰ ਸਥਾਨ ਹਾਸਲ ਕਰ ਲਿਆ ਹੈ। ਹੁਣ ਟੀਮ ਦੇ ਖਾਤੇ ਵਿੱਚ 8 ਅੰਕ ਦਰਜ ਹੋ ਚੁੱਕੇ ਹਨ।
ਦੂਜੇ ਪਾਸੇ ਲਖਨਊ ਨੂੰ ਇਸ ਸੀਜ਼ਨ ਦੀ ਤੀਜੀ ਹਾਰ ਦਾ ਸਾਹਮਣਾ ਕਰਨਾ ਪਿਆ, ਜਿਸ ਕਾਰਨ ਉਹ ਟੇਬਲ ਵਿੱਚ ਸੱਤਵੇਂ ਨੰਬਰ ’ਤੇ ਆ ਗਈ ਹੈ। ਲਖਨਊ ਦੇ ਖਾਤੇ ਵਿੱਚ ਇਸ ਵੇਲੇ 4 ਅੰਕ ਹਨ।
