ਨਵੀਂ ਦਿੱਲੀ/ਰੂਪਨਗਰ: ਰਾਜ ਸਭਾ ਮੈਂਬਰ ਰਾਘਵ ਚੱਡਾ ਨੇ ਆਪਣੇ MPLAD ਫੰਡ ਵਿਚੋਂ ₹1 ਕਰੋੜ ਦੀ ਰਕਮ ਰੂਪਨਗਰ ਜ਼ਿਲ੍ਹੇ ਦੇ ਪਿੰਡ ਨੂਰਪੁਰ ਬੇਦੀ ਵਿੱਚ ਇੰਡੋਰ ਸਪੋਰਟਸ ਫੈਸਿਲਟੀ ਬਣਾਉਣ ਲਈ ਅਲਾਟ ਕੀਤੀ ਹੈ। ਉਨ੍ਹਾਂ ਨੇ ਸਥਾਨਕ ਵਿਧਾਇਕ Dinesh Chadha ਦੇ ਨਾਲ ਮਿਲ ਕੇ ਇਸ ਪ੍ਰੋਜੈਕਟ ਦਾ ਸ਼ਿਲਾਨਿਆਸ ਵੀ ਕੀਤਾ।
135 ਪਿੰਡਾਂ ਲਈ ਪਹਿਲਾ ਇੰਡੋਰ ਸਟੇਡੀਅਮ
ਨੂਰਪੁਰ ਬੇਦੀ ਖੇਤਰ ਲਗਭਗ 135 ਪਿੰਡਾਂ ਲਈ ਕੇਂਦਰੀ ਸਥਾਨ ਵਜੋਂ ਜਾਣਿਆ ਜਾਂਦਾ ਹੈ। ਹੁਣ ਤੱਕ ਇੱਥੇ ਕੋਈ ਵੀ ਇੰਡੋਰ ਸਪੋਰਟਸ ਕਾਮਪਲੈਕਸ ਨਹੀਂ ਸੀ। ਇਸ ਨਵੇਂ ਪ੍ਰੋਜੈਕਟ ਨਾਲ ਪਿੰਡਾਂ ਦੇ ਨੌਜਵਾਨਾਂ ਨੂੰ ਖੇਡਾਂ ਦੀ ਟ੍ਰੇਨਿੰਗ ਅਤੇ ਮੁਕਾਬਲਿਆਂ ਲਈ ਆਧੁਨਿਕ ਸੁਵਿਧਾ ਮਿਲੇਗੀ।
ਕੀ-ਕੀ ਹੋਵੇਗਾ ਫੈਸਿਲਟੀ ਵਿੱਚ?
ਨਵੇਂ ਇੰਡੋਰ ਸਪੋਰਟਸ ਕਾਮਪਲੈਕਸ ਵਿੱਚ—
-
ਬੈਡਮਿੰਟਨ ਕੋਰਟ
-
ਟੇਬਲ ਟੈਨਿਸ ਸੁਵਿਧਾ
-
ਵੇਟਲਿਫਟਿੰਗ ਇੰਫਰਾਸਟਰਕਚਰ
-
ਏਅਰ ਕੰਡੀਸ਼ਨਡ ਲਾਇਬ੍ਰੇਰੀ (ਮੁਕਾਬਲੇ ਦੀਆਂ ਪਰੀਖਿਆਵਾਂ ਦੀ ਤਿਆਰੀ ਲਈ)
ਇਹ ਕੇਂਦਰ ਸਿਰਫ਼ ਖੇਡਾਂ ਹੀ ਨਹੀਂ, ਸਗੋਂ ਸਿੱਖਿਆ ਲਈ ਵੀ ਮਦਦਗਾਰ ਸਾਬਤ ਹੋਵੇਗਾ।
MPLAD ਫੰਡ ਲੋਕਾਂ ਲਈ
ਰਾਘਵ ਚੱਢਾ ਨੇ ਕਿਹਾ ਕਿ MPLAD ਫੰਡ ਲੋਕਾਂ ਦਾ ਪੈਸਾ ਹੈ ਅਤੇ ਇਸਦਾ ਇਸਤੇਮਾਲ ਲੋਕਾਂ ਦੀਆਂ ਜ਼ਰੂਰਤਾਂ ਮੁਤਾਬਕ ਹੀ ਹੋਣਾ ਚਾਹੀਦਾ ਹੈ। ਇਹ ਅਲਾਟਮੈਂਟ ਗ੍ਰਾਮ ਪੰਚਾਇਤ ਅਤੇ ਸਥਾਨਕ ਮੰਗਾਂ ਦੇ ਆਧਾਰ ’ਤੇ ਕੀਤਾ ਗਿਆ ਹੈ।
ਉਨ੍ਹਾਂ ਨੇ ਕਿਹਾ ਕਿ ਖੇਡਾਂ ਅਤੇ ਸਿੱਖਿਆ ਦੇ ਢਾਂਚੇ ਵਿੱਚ ਨਿਵੇਸ਼ ਕਰਨਾ ਨੌਜਵਾਨਾਂ ਦੇ ਭਵਿੱਖ ਅਤੇ ਪੰਜਾਬ ਦੀ ਤਰੱਕੀ ਵਿੱਚ ਨਿਵੇਸ਼ ਦੇ ਬਰਾਬਰ ਹੈ।
ਇਸ ਪ੍ਰੋਜੈਕਟ ਨਾਲ ਰੋਪੜ ਖੇਤਰ ਦੇ ਨੌਜਵਾਨਾਂ ਲਈ ਨਵੇਂ ਮੌਕੇ ਖੁਲਣਗੇ ਅਤੇ ਪਿੰਡੂ ਢਾਂਚਾਗਤ ਵਿਕਾਸ ਨੂੰ ਮਜ਼ਬੂਤੀ ਮਿਲੇਗੀ।
