02.04.2026
ਅੰਤਰਰਾਸ਼ਟਰੀ ਬਾਜ਼ਾਰ ਵਿੱਚ ਕੱਚੇ ਤੇਲ ਦੀਆਂ ਵੱਧ ਰਹੀਆਂ ਕੀਮਤਾਂ ਦੇ ਚਲਦੇ ਦੇਸ਼ ਵਿੱਚ ਬਾਲਣ ਦੇ ਭਾਅ ਵਿੱਚ ਇਜ਼ਾਫ਼ਾ ਕੀਤਾ ਗਿਆ ਹੈ। ਮਨੀਕੰਟਰੋਲ ਦੀ ਰਿਪੋਰਟ ਅਨੁਸਾਰ, ਸ਼ੈੱਲ ਨੇ ਡੀਜ਼ਲ ਦੀ ਕੀਮਤ ਵਿੱਚ 25.01 ਰੁਪਏ ਪ੍ਰਤੀ ਲੀਟਰ ਦਾ ਵੱਡਾ ਵਾਧਾ ਕੀਤਾ ਹੈ, ਜਦਕਿ ਪੈਟਰੋਲ ਦੇ ਭਾਅ ਵਿੱਚ 7.41 ਰੁਪਏ ਪ੍ਰਤੀ ਲੀਟਰ ਦੀ ਤੇਜ਼ੀ ਦਰਜ ਕੀਤੀ ਗਈ ਹੈ।
ਇਸ ਵਾਧੇ ਤੋਂ ਬਾਅਦ, ਸ਼ੈੱਲ ਇੰਡੀਆ ਦੇ ਪੰਪਾਂ ‘ਤੇ ਆਮ ਡੀਜ਼ਲ ਦੀ ਕੀਮਤ 123.52 ਰੁਪਏ ਪ੍ਰਤੀ ਲੀਟਰ ਹੋ ਗਈ ਹੈ, ਜਦਕਿ ਪ੍ਰੀਮੀਅਮ ਡੀਜ਼ਲ ਦਾ ਰੇਟ ਵੱਧ ਕੇ 133.52 ਰੁਪਏ ਪ੍ਰਤੀ ਲੀਟਰ ਤੱਕ ਪਹੁੰਚ ਗਿਆ ਹੈ।
ਇਸ ਦੌਰਾਨ ਬੰਗਲੁਰੂ ਵਿੱਚ ਆਮ ਪੈਟਰੋਲ ਦੀ ਕੀਮਤ ਹੁਣ 119.85 ਰੁਪਏ ਪ੍ਰਤੀ ਲੀਟਰ ਤੱਕ ਪਹੁੰਚ ਗਈ ਹੈ, ਜਦਕਿ ‘ਪਾਵਰ’ ਵੇਰੀਐਂਟ ਦਾ ਰੇਟ 129.85 ਰੁਪਏ ਪ੍ਰਤੀ ਲੀਟਰ ਦਰਜ ਕੀਤਾ ਗਿਆ ਹੈ।
ਸਥਾਨਕ ਟੈਕਸ (ਵੈਟ) ਅਤੇ ਆਵਾਜਾਈ ਦੇ ਖਰਚਿਆਂ ਕਾਰਨ ਵੱਖ-ਵੱਖ ਰਾਜਾਂ ਅਤੇ ਸ਼ਹਿਰਾਂ ਵਿੱਚ ਕੀਮਤਾਂ ਵਿੱਚ ਹਲਕਾ ਫਰਕ ਹੋ ਸਕਦਾ ਹੈ, ਪਰ ਦੇਸ਼ ਭਰ ਵਿੱਚ ਸ਼ੈੱਲ ਦੇ ਪੰਪਾਂ ‘ਤੇ ਗਾਹਕਾਂ ਨੂੰ ਹੁਣ ਬਾਲਣ ਲਈ ਵੱਧ ਪੈਸੇ ਖਰਚਣੇ ਪੈ ਰਹੇ ਹਨ।
ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਨਿੱਜੀ ਕੰਪਨੀ ਨਯਾਰਾ ਨੇ ਵੀ ਪੈਟਰੋਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ਵਿੱਚ ਵੱਡੇ ਵਾਧੇ ਦਾ ਐਲਾਨ ਕੀਤਾ ਸੀ।
