ਪਲਵਲ, 28 ਅਕਤੂਬਰ।
ਰਾਜ ਸਹਾਇਤਾ ਮਿਸ਼ਨ ਹਰਿਆਣਾ ਵੱਲੋਂ ਪਲਵਲ ਵਿੱਚ ਮੈਡੀਕਲ ਪੋਸ਼ਣ ਆਹਾਰ ਰਾਹੀਂ ਬਾਲ ਕੁਪੋਸ਼ਣ ਦੇ ਪ੍ਰਬੰਧਨ ਸਬੰਧੀ ਪਾਇਲਟ ਪ੍ਰੋਜੈਕਟ ਦੀ ਸਮੀਖਿਆ ਕੀਤੀ ਗਈ।
ਸਿਹਤ ਵਿਭਾਗ, ਮਹਿਲਾ ਅਤੇ ਬਾਲ ਵਿਕਾਸ ਵਿਭਾਗ, ਵਿਦਿਅਕ ਸੰਸਥਾਵਾਂ ਅਤੇ ਫਰੰਟਲਾਈਨ ਵਰਕਰਾਂ ਦੇ ਯੋਗਦਾਨ ਦੀ ਸ਼ਲਾਘਾ ਕੀਤੀ ਗਈ।
ਪਾਇਲਟ ਪ੍ਰੋਜੈਕਟ ਤੋਂ ਪ੍ਰਾਪਤ ਤਜਰਬਿਆਂ, ਨਤੀਜਿਆਂ ਅਤੇ ਸੁਝਾਵਾਂ ’ਤੇ ਵਿਸਥਾਰਪੂਰਵਕ ਚਰਚਾ ਕੀਤੀ ਗਈ।
ਰਾਜ ਸਹਾਇਤਾ ਮਿਸ਼ਨ (ਐੱਸਐੱਸਐੱਮ), ਹਰਿਆਣਾ ਵੱਲੋਂ ਸਵਰਨ ਜਯੰਤੀ ਹਰਿਆਣਾ ਵਿੱਤੀ ਪ੍ਰਬੰਧਨ ਸੰਸਥਾਨ (ਐੱਸਜੇਐੱਚਆਈਐੱਫਐੱਮ) ਦੇ ਅਧੀਨ ਪਲਵਲ ਜ਼ਿਲ੍ਹੇ ਵਿੱਚ ਬਾਲ ਕੁਪੋਸ਼ਣ ਦੇ ਪ੍ਰਬੰਧਨ ਲਈ ਮੈਡੀਕਲ ਪੋਸ਼ਣ ਆਹਾਰ ਰਾਹੀਂ ਚਲਾਈ ਜਾ ਰਹੀ ਪਾਇਲਟ ਯੋਜਨਾ ਦੀ ਸਮੀਖਿਆ ਲਈ ਡਿਪਟੀ ਕਮਿਸ਼ਨਰ ਡਾ. ਜੈਯੇਂਦਰ ਸਿੰਘ ਛਿੱਲਰ ਦੀ ਪ੍ਰਧਾਨਗੀ ਹੇਠ ਇੱਕ ਪੱਧਰੀ ਮੀਟਿੰਗ ਕੀਤੀ ਗਈ।
ਮੀਟਿੰਗ ਦੌਰਾਨ ਪ੍ਰੋਜੈਕਟ ਦੇ ਨਤੀਜਿਆਂ, ਸਿੱਟਿਆਂ, ਸੁਝਾਵਾਂ ਅਤੇ ਤਜਰਬਿਆਂ ’ਤੇ ਚਰਚਾ ਕੀਤੀ ਗਈ। ਇਸ ਦੇ ਨਾਲ ਹੀ ਬਾਲ ਕੁਪੋਸ਼ਣ ਦੀ ਪਛਾਣ, ਪ੍ਰਬੰਧਨ ਅਤੇ ਨਿਗਰਾਨੀ ਨੂੰ ਪ੍ਰਭਾਵਸ਼ਾਲੀ ਬਣਾਉਣ ਲਈ ਵੱਖ-ਵੱਖ ਵਿਭਾਗਾਂ ਵਿਚਕਾਰ ਤਾਲਮੇਲ ਨੂੰ ਹੋਰ ਮਜ਼ਬੂਤ ਕਰਨ ’ਤੇ ਜ਼ੋਰ ਦਿੱਤਾ ਗਿਆ।
ਰਾਜ ਸਹਾਇਤਾ ਮਿਸ਼ਨ ਵੱਲੋਂ ਐੱਸਜੇਐੱਚਆਈਐੱਫਐੱਮ ਦੀ ਸੰਯੁਕਤ ਡਾਇਰੈਕਟਰ ਅਤੇ ਐੱਸਐੱਸਐੱਮ ਹਰਿਆਣਾ ਦੀ ਨੋਡਲ ਅਧਿਕਾਰੀ ਡਾ. ਨੀਰੂ, ਟੀਮ ਲੀਡਰ ਰਾਹੁਲ ਸਿੰਗਲਾ ਅਤੇ ਅਰਥ ਸ਼ਾਸਤਰ ਤੇ ਵਿੱਤ ਖੇਤਰ ਦੀ ਮਾਹਿਰ ਡਾ. ਅਮਿਤਾ ਰਾਣੀ ਵੀ ਮੀਟਿੰਗ ਵਿੱਚ ਮੌਜੂਦ ਰਹੇ।
