ਲੁਧਿਆਣਾ, 21 ਜਨਵਰੀ 2026
ਕੇਂਦਰੀ ਵਸਤੂ ਅਤੇ ਸੇਵਾ ਕਰ (ਸੀਜੀਐੱਸਟੀ), ਲੁਧਿਆਣਾ ਦੇ ਅਧਿਕਾਰੀਆਂ ਨੇ ਚਾਲੂ ਵਿੱਤੀ ਸਾਲ ਦੌਰਾਨ ਕਰ ਅਨੁਪਾਲਨ ਨੂੰ ਮਜ਼ਬੂਤ ਕਰਨ ਲਈ ਕੀਤੀ ਗਈ ਕਾਰਵਾਈ ਦੇ ਤਹਿਤ ਹੁਣ ਤੱਕ 93 ਕਰੋੜ ਰੁਪਏ ਦੀ ਜੀਐੱਸਟੀ ਵਸੂਲੀ ਕੀਤੀ ਹੈ।
ਇਸ ਕ੍ਰਮ ਵਿੱਚ, ਇੱਕ ਪ੍ਰਮੁੱਖ ਰੀਅਲ ਐਸਟੇਟ ਡਿਵੈਲਪਰ ਦੇ ਵਿਰੁੱਧ ਚੱਲ ਰਹੀ ਜਾਂਚ ਦੌਰਾਨ 10 ਕਰੋੜ ਰੁਪਏ ਦੀ ਵਸੂਲੀ ਕੀਤੀ ਗਈ। ਜਾਂਚ ਰੇਲ ਭੂਮੀ ਵਿਕਾਸ ਅਧਿਕਾਰ (ਆਰਐੱਲਡੀਏ) ਤੋਂ ਵਿਕਾਸ ਪ੍ਰਯੋਜਨ ਲਈ ਦੀਰਘਕਾਲੀਕ ਪੱਟੇ ’ਤੇ ਲਈ ਗਈ ਭੂਮੀ ਸਬੰਧੀ ਅਗ੍ਰਿਮ ਪੱਟਾ ਪ੍ਰੀਮੀਅਮ ’ਤੇ ਰਿਵਰਸ ਚਾਰਜ ਮਕੈਨਿਜ਼ਮ (ਆਰਸੀਐੱਮ) ਦੇ ਅਧੀਨ ਵਸਤੂ ਅਤੇ ਸੇਵਾ ਕਰ (ਜੀਐੱਸਟੀ) ਦੇ ਕਥਿਤ ਗੈਰ-ਭੁਗਤਾਨ ਨਾਲ ਜੁੜੀ ਹੋਈ ਹੈ। ਇਹ ਜਾਂਚ ਵਿੱਤੀ ਸਾਲ 2022-23 ਤੋਂ 2025-26 ਦੀ ਅਵਧੀ ਨੂੰ ਕਵਰ ਕਰਦੀ ਹੈ।
ਜਾਂਚ ਦੌਰਾਨ ਕਰਦਾਤਾ ਵੱਲੋਂ ਆਪਣੀ ਜੀਐੱਸਟੀ ਦੇਣਦਾਰੀ ਦੇ ਵਿਰੁੱਧ ਸਵੈ-ਇੱਛਾ ਨਾਲ 10 ਕਰੋੜ ਰੁਪਏ ਦੀ ਰਾਸ਼ੀ ਇਲੈਕਟ੍ਰਾਨਿਕ ਨਕਦ ਲੇਜ਼ਰ ਰਾਹੀਂ ਜਮ੍ਹਾ ਕਰਵਾਈ ਗਈ।
ਕੇਂਦਰੀ ਜੀਐੱਸਟੀ, ਲੁਧਿਆਣਾ ਵੱਲੋਂ ਕਰ ਅਨੁਪਾਲਨ ਨੂੰ ਉਤਸ਼ਾਹਿਤ ਕਰਨ ਲਈ ਵੱਖ-ਵੱਖ ਪ੍ਰਵਰਤਨ ਉਪਾਅ ਅਪਣਾਏ ਜਾ ਰਹੇ ਹਨ, ਜਿਨ੍ਹਾਂ ਦੇ ਸਕਾਰਾਤਮਕ ਨਤੀਜੇ ਸਾਹਮਣੇ ਆ ਰਹੇ ਹਨ। ਮਾਮਲੇ ਵਿੱਚ ਅੱਗੇ ਦੀ ਜਾਂਚ ਜਾਰੀ ਹੈ।
