ਭਾਰਤ ਵਿੱਚ ਵਿਗਿਆਨਕ ਖੋਜ ਨੂੰ ਨਵੀਂ ਦਿਸ਼ਾ ਦੇਣ ਦੀ ਕੋਸ਼ਿਸ਼ ਕਰਦਿਆਂ ਕੇਂਦਰੀ ਮੰਤਰੀ ਡਾ. ਜਿਤੇਂਦਰ ਸਿੰਘ ਨੇ IIT ਗਾਂਧੀਨਗਰ ਤੋਂ ਇੱਕ ਮਹੱਤਵਪੂਰਨ ਸੰਦੇਸ਼ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਵਿਗਿਆਨ ਦੀ ਸਫਲਤਾ ਸਿਰਫ਼ ਖੋਜ ਪੱਤਰਾਂ ਜਾਂ ਲੈਬ ਦੇ ਨਤੀਜਿਆਂ ਨਾਲ ਨਹੀਂ ਮਾਪੀ ਜਾ ਸਕਦੀ, ਸਗੋਂ ਇਸ ਗੱਲ ਨਾਲ ਮਾਪੀ ਜਾਣੀ ਚਾਹੀਦੀ ਹੈ ਕਿ ਉਹ ਆਮ ਲੋਕਾਂ ਦੀ ਜ਼ਿੰਦਗੀ ਵਿੱਚ ਕਿੰਨਾ ਬਦਲਾਅ ਲਿਆਉਂਦਾ ਹੈ। ਸਾਫ਼ ਊਰਜਾ, ਸਸਤੀ ਸਿਹਤ ਸੇਵਾਵਾਂ ਅਤੇ ਨਵੀਆਂ ਤਕਨਾਲੋਜੀਆਂ ਲਈ ਸ਼ੁਰੂ ਕੀਤੇ ਗਏ ਨਵੇਂ ਰਿਸਰਚ ਕਲੱਸਟਰ ਭਾਰਤ ਨੂੰ “ਆਈਡੀਆ ਤੋਂ ਇਨੋਵੇਸ਼ਨ” ਅਤੇ “ਇਨੋਵੇਸ਼ਨ ਤੋਂ ਹੱਲ” ਦੇ ਮਾਡਲ ਵੱਲ ਲੈ ਜਾਣਗੇ।
