ਚੰਡੀਗੜ੍ਹ: ਅਮਰੀਕਾ, ਇਜ਼ਰਾਈਲ ਅਤੇ ਈਰਾਨ ਵਿਚਕਾਰ ਵਧਦੇ ਤਣਾਅ ਦਾ ਅਸਰ ਹੁਣ ਸਿੱਧਾ ਭਾਰਤੀ ਘਰਾਂ ‘ਚ ਮਹਿਸੂਸ ਹੋ ਰਿਹਾ ਹੈ। ਅੰਤਰਰਾਸ਼ਟਰੀ ਸਪਲਾਈ ਚੇਨ ਪ੍ਰਭਾਵਿਤ ਹੋਣ ਕਾਰਨ ਦੇਸ਼ ਵਿੱਚ ਰਸੋਈ ਗੈਸ (LPG) ਦੀ ਕਮੀ ਦਾ ਖਤਰਾ ਬਣ ਗਿਆ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਭਾਰਤ ਕੋਲ ਇਸ ਵੇਲੇ ਕੇਵਲ 10 ਦਿਨਾਂ ਦਾ ਬਫਰ ਸਟਾਕ ਬਚਿਆ ਹੈ।
ਹੋਰਮੁਜ਼ ਸਟ੍ਰੇਟ ‘ਤੇ ਤਣਾਅ ਦਾ ਅਸਰ
ਸਰਕਾਰੀ ਜਾਣਕਾਰੀ ਅਨੁਸਾਰ, ਫਾਰਸ ਦੀ ਖਾੜੀ ਵਿੱਚ ਭਾਰਤ ਦੇ ਝੰਡੇ ਵਾਲੇ 28 ਜਹਾਜ਼ ਮੌਜੂਦ ਹਨ, ਜਿਨ੍ਹਾਂ ਵਿੱਚੋਂ 4 ਜਹਾਜ਼ ਹੋਰਮੁਜ਼ ਸਟ੍ਰੇਟ ਦੇ ਨੇੜੇ ਹਨ।
ਭਾਰਤ ਵਿੱਚ LPG ਦੀ ਮੰਗ ਅਤੇ ਸਪਲਾਈ
-
ਸਾਲਾਨਾ ਮੰਗ: 33 ਮਿਲੀਅਨ ਮੀਟ੍ਰਿਕ ਟਨ
-
ਰੋਜ਼ਾਨਾ ਵਰਤੋਂ: ਲਗਭਗ 64 ਲੱਖ ਸਿਲੰਡਰ
-
ਆਯਾਤ ਨਿਰਭਰਤਾ: 60% LPG ਵਿਦੇਸ਼ਾਂ ਤੋਂ
-
ਦੇਸ਼ੀ ਉਤਪਾਦਨ: 40%
-
ਵਰਤੋਂ: 88% ਘਰੇਲੂ, 12% ਵਪਾਰਕ ਖੇਤਰ
ਭਾਰਤ ਦੀਆਂ ਮੁੱਖ ਰਿਫਾਇਨਰੀਆਂ ਵਿੱਚ ਰਿਲਾਇੰਸ ਇੰਡਸਟਰੀਜ (ਜਾਮਨਗਰ), ਇੰਡੀਅਨ ਆਇਲ ਕਾਰਪੋਰੇਸ਼ਨ, ਭਾਰਤ ਪੈਟਰੋਲੀਅਮ ਅਤੇ ਹਿੰਦੁਸਤਾਨ ਪੈਟਰੋਲੀਅਮ ਸ਼ਾਮਲ ਹਨ।
ਸਰਕਾਰ ਦੇ ਕਦਮ
ਮੀਡੀਆ ਰਿਪੋਰਟਾਂ ਅਨੁਸਾਰ 10 ਦਿਨਾਂ ਦੇ ਬਫਰ ਸਟਾਕ ਦੇ ਮੱਦੇਨਜ਼ਰ ਕੇਂਦਰ ਸਰਕਾਰ ਨੇ ਅਸ਼ੈਂਸੀਅਲ ਕਮੋਡੀਟੀਜ਼ ਐਕਟ ਲਾਗੂ ਕਰਕੇ LPG ਦੀ ਜਮ੍ਹਾਖੋਰੀ ‘ਤੇ ਰੋਕ ਲਗਾ ਦਿੱਤੀ ਹੈ। ਸਰਕਾਰੀ ਅਤੇ ਨਿੱਜੀ ਰਿਫਾਇਨਰੀਆਂ ਨੂੰ ਉਤਪਾਦਨ ਵਧਾਉਣ ਲਈ ਕਿਹਾ ਗਿਆ ਹੈ। ਪੈਟਰੋਲੀਅਮ ਮੰਤਰਾਲੇ ਮੁਤਾਬਕ ਘਰੇਲੂ ਉਤਪਾਦਨ ਵਿੱਚ 25% ਵਾਧਾ ਦਰਜ ਕੀਤਾ ਗਿਆ ਹੈ।
ਅੰਤਰਰਾਸ਼ਟਰੀ ਤਣਾਅ ਦਾ ਸਿੱਧਾ ਅਸਰ ਭਾਰਤ ਦੀਆਂ ਰਸੋਈਆਂ ‘ਤੇ ਪੈ ਰਿਹਾ ਹੈ। ਜੇਕਰ ਹਾਲਾਤ ਜਲਦੀ ਨਹੀਂ ਸਧਰੇ ਤਾਂ LPG ਦੀ ਕਮੀ ਘਰੇਲੂ ਅਤੇ ਵਪਾਰਕ ਖੇਤਰ ਦੋਵਾਂ ਨੂੰ ਪ੍ਰਭਾਵਿਤ ਕਰ ਸਕਦੀ ਹੈ। ਸਰਕਾਰ ਵੱਲੋਂ ਕਦਮ ਚੁੱਕੇ ਜਾ ਰਹੇ ਹਨ, ਪਰ ਸਥਿਤੀ ‘ਤੇ ਨਿਗਰਾਨੀ ਜਾਰੀ ਹੈ।
