ਚੇਨਈ: ਤਾਮਿਲਨਾਡੂ ਦੇ ਮੁੱਖ ਮੰਤਰੀ ਸੀ. ਜੋਸਫ਼ ਵਿਜੇ ਨੇ ਚੇਨਈ ਵਿੱਚ ਕਰੀਬ 1,200 ਕਰੋੜ ਰੁਪਏ ਦੀ ਲਾਗਤ ਨਾਲ ਨਵਾਂ ਅਸੈਂਬਲੀ-ਕਮ-ਸਕੱਤਰੇਤ ਏਕੀਕ੍ਰਿਤ ਕੰਪਲੈਕਸ ਬਣਾਉਣ ਦਾ ਐਲਾਨ ਕੀਤਾ ਹੈ।
20 ਲੱਖ ਵਰਗ ਫੁੱਟ ਵਿੱਚ ਬਣੇਗਾ ਕੰਪਲੈਕਸ
ਮੁੱਖ ਮੰਤਰੀ ਨੇ ਵਿਧਾਨ ਸਭਾ ਵਿੱਚ ਨਿਯਮ 110 ਤਹਿਤ ਕਈ ਐਲਾਨ ਕਰਦਿਆਂ ਦੱਸਿਆ ਕਿ ਨਵਾਂ ਏਕੀਕ੍ਰਿਤ ਕੰਪਲੈਕਸ ਲਗਭਗ 20 ਲੱਖ ਵਰਗ ਫੁੱਟ ਦੇ ਬਿਲਟ-ਅੱਪ ਖੇਤਰ ਵਿੱਚ ਤਿਆਰ ਕੀਤਾ ਜਾਵੇਗਾ। ਇਸ ਵਿੱਚ ਸੂਬਾ ਸਰਕਾਰ ਦੇ ਵੱਖ-ਵੱਖ ਵਿਭਾਗਾਂ ਦੇ ਦਫ਼ਤਰਾਂ ਨੂੰ ਇੱਕੋ ਥਾਂ ’ਤੇ ਲਿਆਂਦਾ ਜਾਵੇਗਾ।
ਇਸ ਐਲਾਨ ਨਾਲ ਸਰਕਾਰ ਦੇ ਇਤਿਹਾਸਕ ਫੋਰਟ ਸੇਂਟ ਜਾਰਜ ਤੋਂ ਬਾਹਰ ਜਾਣ ਦੇ ਸੰਕੇਤ ਵੀ ਮਿਲ ਰਹੇ ਹਨ। ਫਿਲਹਾਲ ਇੱਥੇ ਤਾਮਿਲਨਾਡੂ ਵਿਧਾਨ ਸਭਾ ਅਤੇ ਸਕੱਤਰੇਤ ਸਮੇਤ ਕਈ ਮਹੱਤਵਪੂਰਨ ਸਰਕਾਰੀ ਦਫ਼ਤਰ ਸਥਿਤ ਹਨ।
‘ਓਲੰਪਿਕ ਸਿਟੀ’ ਅਤੇ ‘ਮੋਟਰ ਸਪੋਰਟਸ ਸਿਟੀ’ ਵੀ ਬਣੇਗੀ
ਮੁੱਖ ਮੰਤਰੀ ਨੇ ਚੇਨਈ ਵਿੱਚ ‘ਤਾਮਿਲਨਾਡੂ ਓਲੰਪਿਕ ਸਿਟੀ’ ਸਥਾਪਿਤ ਕਰਨ ਦਾ ਵੀ ਐਲਾਨ ਕੀਤਾ। ਇਸ ਦੇ ਨਾਲ ਹੀ ਸੂਬੇ ਵਿੱਚ ਮੋਟਰ ਰੇਸਿੰਗ ਅਤੇ ਮੋਟਰ ਸਪੋਰਟਸ ਨੂੰ ਉਤਸ਼ਾਹਿਤ ਕਰਨ ਲਈ ‘ਮੋਟਰ ਸਪੋਰਟਸ ਸਿਟੀ’ ਬਣਾਉਣ ਦੀ ਯੋਜਨਾ ਵੀ ਸਾਹਮਣੇ ਰੱਖੀ ਗਈ ਹੈ।
ਸਰਕਾਰ ਦਾ ਕਹਿਣਾ ਹੈ ਕਿ ਨਵੇਂ ਪ੍ਰਾਜੈਕਟਾਂ ਰਾਹੀਂ ਪ੍ਰਸ਼ਾਸਨਿਕ ਢਾਂਚੇ ਨੂੰ ਆਧੁਨਿਕ ਬਣਾਉਣ ਦੇ ਨਾਲ-ਨਾਲ ਖੇਡਾਂ ਅਤੇ ਮੋਟਰ ਸਪੋਰਟਸ ਨੂੰ ਵੀ ਉਤਸ਼ਾਹਿਤ ਕੀਤਾ ਜਾਵੇਗਾ।
