ਨਵਜੋਤ ਸਿੰਘ ਸਿੱਧੂ ਵੱਲੋਂ ਕਪਿਲ ਸ਼ਰਮਾ ਸ਼ੋਅ ‘ਚ ਦੁਬਾਰਾ ਜੁਆਇਨ ਕਰਨ ਦੀ ਜਤਾਈ ਇੱਛਾ

ਨਵਜੋਤ ਸਿੰਘ ਸਿੱਧੂ ਵੱਲੋਂ ਕਪਿਲ ਸ਼ਰਮਾ ਸ਼ੋਅ ‘ਚ ਦੁਬਾਰਾ ਜੁਆਇਨ ਕਰਨ ਦੀ ਜਤਾਈ ਇੱਛਾ। ਸਿੱਧੂ ਨੇ ‘ਦਿ ਕਪਿਲ ਸ਼ਰਮਾ ਸ਼ੋਅ’ ਨਾਲ ਜੁੜੀਆਂ ਆਪਣੀਆਂ ਯਾਦਾਂ ਨੂੰ ਤਾਜ਼ਾ ਕੀਤਾ, ਜਿਸ ਬਾਰੇ ਉਨ੍ਹਾਂ ਨੇ ਇਕ ਹੋਰ ਸ਼ੋਅ ਵਿਚ ਗੱਲ ਕੀਤੀ ਸੀ। ਉਨ੍ਹਾਂ ਕਿਹਾ, ‘ਦਿ ਕਪਿਲ ਸ਼ਰਮਾ ਸ਼ੋਅ ਭਗਵਾਨ ਦੁਆਰਾ ਬਣਾਇਆ ਗਿਆ ਗੁਲਦਸਤਾ ਸੀ।’ ਇਸ ਦਾ ਸਿਹਰਾ ਕੋਈ ਨਹੀਂ ਲੈ ਸਕਦਾ। ਇਸ ਵਿੱਚ ਵੱਖਰੀ ਖੁਸ਼ਬੂ ਸੀ। ਜਦੋਂ ਕਪਿਲ ਮੇਰੇ ਕੋਲ ਆਇਆ, ਮੈਂ ‘ਬਿੱਗ ਬੌਸ’ ਤੋਂ ਬਾਹਰ ਆਇਆ ਸੀ, ਇਸ ਲਈ ਅਸੀਂ ਚਰਚਾ ਕੀਤੀ ਅਤੇ ਸਭ ਕੁਝ ਠੀਕ ਹੋ ਗਿਆ। ਸਾਰਿਆਂ ਨੂੰ ਉਸ ਸ਼ੋਅ ਦਾ ਹਿੱਸਾ ਬਣਨ ਲਈ ਚੁਣਿਆ ਗਿਆ ਸੀ। ਪ੍ਰਸਿੱਧ ਸ਼ੋਅ ਛੱਡਣ ਦੇ ਕਾਰਨ ਬਾਰੇ ਦੱਸਦੇ ਹੋਏ ਉਨ੍ਹਾਂ ਕਿਹਾ, ‘ਕੁਝ ਸਿਆਸੀ ਕਾਰਨ ਸਨ ਜਿਨ੍ਹਾਂ ਬਾਰੇ ਮੈਂ ਗੱਲ ਨਹੀਂ ਕਰਨਾ ਚਾਹੁੰਦਾ।’ ਕੁਝ ਹੋਰ ਕਾਰਨ ਸਨ ਅਤੇ ਗੁਲਦਸਤਾ ਟੁੱਟ ਗਿਆ।