ਮਨੀ ਲਾਂਡਰਿੰਗ ਦੇ ਮਾਮਲੇ ‘ਚ ED ਵੱਲੋਂ ਗੁਲਾਬ ਯਾਦਵ ਖ਼ਿਲਾਫ਼ ਕੀਤੀ ਵੱਡੀ ਕਾਰਵਾਈ

ਬਿਹਾਰ ‘ਚ ਝੰਝਾਰਪੁਰ ਵਿਧਾਨ ਸਭਾ ਦੇ ਸਾਬਕਾ ਆਰ.ਜੇ.ਡੀ. ਵਿਧਾਇਕ ਗੁਲਾਬ ਯਾਦਵ ਦੇ ਗੰਗਾਪੁਰ ਸਥਿਤ ਜੱਦੀ ਘਰ ‘ਤੇ ਈ.ਡੀ ਦੀ ਛਾਪੇਮਾਰੀ ਜਾਰੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਮਨੀ ਲਾਂਡਰਿੰਗ ਮਾਮਲੇ ‘ਚ ਈ.ਡੀ ਨੇ ਗੁਲਾਬ ਯਾਦਵ ਖ਼ਿਲਾਫ਼ ਵੱਡੀ ਕਾਰਵਾਈ ਕੀਤੀ ਹੈ।ਸਾਬਕਾ ਰਾਸ਼ਟਰੀ ਜਨਤਾ ਦਲ ਦੇ ਵਿਧਾਇਕ ਗੁਲਾਬ ਯਾਦਵ ਦੇ ਪੁਣੇ, ਪਟਨਾ ਅਤੇ ਨਿਜੀ ਘਰ ‘ਤੇ ਇਕੱਠੇ ਹੀ ED ਦੀ ਟੀਮ ਛਾਪੇਮਾਰੀ ਕਰ ਰਹੀ ਹੈ। ਕੇਂਦਰੀ ਸੁਰੱਖਿਆ ਬਲ ਦੇ ਨਾਲ ਪਹੁੰਚੇ ਈ.ਡੀ ਦੇ ਇੱਕ ਦਰਜਨ ਅਧਿਕਾਰੀ ਗੁਲਾਬ ਯਾਦਵ ਦੇ ਘਰ ਦੀ ਤਲਾਸ਼ੀ ਲੈ ਰਹੇ ਹਨ। ਕਿਸੇ ਵੀ ਬਾਹਰੀ ਵਿਅਕਤੀ ਨੂੰ ਜੱਦੀ ਘਰ ਵਿੱਚ ਦਾਖ਼ਲ ਨਹੀਂ ਹੋਣ ਦਿੱਤਾ ਜਾ ਰਿਹਾ ਹੈ।