ਪੰਜਾਬੀ ਗਾਇਕ ਜਸਬੀਰ ਜੱਸੀ ਦਾ ਕੰਗਨਾ ਰਣੌਤ ਦੀ ਫਿਲਮ ਐਮਰਜੈਂਸੀ ਨੂੰ ਲੈ ਕੇ ਵੱਡਾ ਬਿਆਨ

ਕੰਗਨਾ ਦੀ ਫਿਲਮ ਪੂਰੇ ਦੇਸ਼ ‘ਚ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਹੁਣ ਕੰਗਨਾ ਰਣੌਤ ਦੀ ਫਿਲਮ ਐਮਰਜੈਂਸੀ ਨੂੰ ਲੈ ਕੇ ਪੰਜਾਬੀ ਗਾਇਕ ਜਸਬੀਰ ਸਿੰਘ ਜੱਸੀ ਦਾ ਵੱਡਾ ਬਿਆਨ ਸਾਹਮਣੇ ਆਇਆ ਹੈ। ਗਾਇਕ ਜਸਬੀਰ ਜੱਸੀ ਨੇ ਪੋਸਟ ਸ਼ੇਅਰ ਕਰਦੇ ਹੋਏ ਲਿਖਿਆ, ‘ਕੰਗਨਾ, ਚਾਹੇ ਤੁਸੀਂ ਇੰਦਰਾ ਗਾਂਧੀ ‘ਤੇ ਫਿਲਮ ਬਣਾਓ ਜਾਂ ਔਰੰਗਜ਼ੇਬ/ਹਿਟਲਰ ‘ਤੇ, ਪਰ ਤੁਹਾਨੂੰ ਪੰਜਾਬ ਬਾਰੇ ਕੁਝ ਨਹੀਂ ਪਤਾ… ਪੰਜਾਬੀਆਂ ਨੇ ਤੁਹਾਨੂੰ ਫਿਲਮ ਲਾਈਨ ‘ਚ ਲਿਆਂਦਾ, ਪਰ ਤੁਸੀਂ ਸਿਰਫ ਪੰਜਾਬੀਆਂ ਬਾਰੇ ਗਲਤ ਬੋਲਦੇ ਹੋ। ‘ਇੰਨੀਆਂ ਮਿਹਰਾਂ ਨੂੰ ਭੁੱਲ ਜਾਣਾ ਚੰਗੀ ਗੱਲ ਨਹੀਂ, ਤੁਸੀਂ ਸਾਬਤ ਕਰ ਰਹੇ ਹੋ ਕਿ ਹਰ ਮਸ਼ਹੂਰ ਇਨਸਾਨ ਸਿਆਣਾ ਨਹੀਂ ਹੁੰਦਾ।’ ਇਸ ਤੋਂ ਪਹਿਲਾਂ ਜਸਬੀਰ ਜੱਸੀ ਨੇ ਚੰਡੀਗੜ੍ਹ ਏਅਰਪੋਰਟ ‘ਤੇ ਕੰਗਨਾ ਰਣੌਤ ਨੂੰ ਥੱਪੜ ਮਾਰਨ ਦੇ ਮਾਮਲੇ ‘ਤੇ ਵੀ ਅਦਾਕਾਰਾ ਨੂੰ ਤਾੜਨਾ ਕੀਤੀ ਸੀ, ਜਦੋਂ ਕੰਗਨਾ ਨੇ ਇਸ ਘਟਨਾ ਨੂੰ ਅੱਤਵਾਦ ਤੋਂ ਪ੍ਰੇਰਿਤ ਦੱਸਿਆ ਸੀ। ਗਾਇਕ ਨੇ ਆਪਣੇ (ਐਕਸ) ਟਵਿੱਟਰ ‘ਤੇ ਲਿਖਿਆ ਸੀ, ‘ਬੀਬੀ ਥੱਪੜ ਅੱਤਵਾਦ ਨਹੀਂ ਹੈ, ਜ਼ਿੰਮੇਵਾਰੀ ਵੱਡੀ ਹੈ ਅਤੇ ਅਜੇ ਵੀ ਸੋਚ ਕੇ ਬੋਲੋ। ਇਸ ਦੇ ਨਾਲ ਹੀ ਜੱਸੀ ਨੇ ਹੱਥ ਜੋੜ ਕੇ ਇੱਕ ਇਮੋਜੀ ਬਣਾਇਆ ਸੀ।