ਚੰਡੀਗੜ੍ਹ : ਪੀ.ਯੂ ਦੀਆਂ ਉਪਰੋਕਤ ਹਦਾਇਤਾਂ ਤੋਂ ਬਾਅਦ ਗੈਸਟ ਫੈਕਲਟੀ ਵਿੱਚ ਵੀ ਖੁਸ਼ੀ ਦੀ ਲਹਿਰ ਹੈ। ਕਿਉਂਕਿ ਗੈਸਟ ਫੈਕਲਟੀ ਰੈਗੂਲਰ ਨਹੀਂ ਹੈ, ਇਸ ਲਈ ਉਨ੍ਹਾਂ ਨੂੰ ਸਰਕਾਰੀ ਨੌਕਰੀਆਂ ਵਰਗੇ ਲਾਭ ਨਹੀਂ ਮਿਲਦੇ, ਪਰ ਉਹ 65 ਸਾਲ ਤੱਕ ਗੈਸਟ ਫੈਕਲਟੀ ਵਜੋਂ ਕੰਮ ਕਰਕੇ ਚੰਗੀ ਤਨਖਾਹ ਪ੍ਰਾਪਤ ਕਰ ਸਕਦੇ ਹਨ। ਮੈਨੇਜਮੈਂਟ ਵੱਲੋਂ ਇੱਕ ਸਰਕੂਲਰ ਜਾਰੀ ਕੀਤਾ ਗਿਆ ਹੈ। ਇਸ ਦੇ ਤਹਿਤ 60 ਸਾਲ ਦੀ ਉਮਰ ‘ਚ ਰਿਟਾਇਰ ਹੋਣ ਵਾਲੇ ਗੈਸਟ ਫੈਕਲਟੀ ਅਧਿਆਪਕਾਂ ਨੂੰ ਰਿਟਾਇਰਮੈਂਟ ਦਿੱਤੀ ਜਾਂਦੀ ਸੀ ਪਰ ਹੁਣ ਤੋਂ ਰੈਗੂਲਰ ਨਾ ਹੋਣ ਵਾਲੇ ਅਧਿਆਪਕਾਂ ਨੂੰ ਵੀ 65 ਸਾਲ ਦੀ ਉਮਰ ਤੱਕ ਕੈਂਪਸ ‘ਚ ਕੰਮ ਕਰਨ ਦਾ ਮੌਕਾ ਮਿਲੇਗਾ। ਇਨ੍ਹਾਂ ਅਧਿਆਪਕਾਂ ਨੂੰ ਹੁਣ ਗੈਸਟ ਫੈਕਲਟੀ ਵਜੋਂ ਕੈਂਪਸ ਵਿੱਚ ਰਹਿਣ ਦਾ ਮੌਕਾ ਮਿਲੇਗਾ। ਜਾਣਕਾਰੀ ਮੁਤਾਬਕ ਸੈਸ਼ਨ 2024 ‘ਚ ਸੈਨੇਟ ਦੀ ਬੈਠਕ ‘ਚ ਇਹ ਫ਼ੈੈਸਲਾ ਲਿਆ ਗਿਆ ਸੀ ਕਿ ਪੀ.ਯੂ ‘ਚ ਕੰਮ ਕਰ ਰਹੇ ਗੈਸਟ ਫੈਕਲਟੀ ਵੀ 65 ਸਾਲ ਦੀ ਉਮਰ ਤੱਕ ਕੈਂਪਸ ‘ਚ ਰਹਿ ਸਕਦੇ ਹਨ ਪਰ ਅਜੇ ਤੱਕ ਇਸ ਫ਼ੈੈਸਲੇ ਨੂੰ ਲਾਗੂ ਨਹੀਂ ਕੀਤਾ ਗਿਆ।