ਚੰਡੀਗੜ੍ਹ : ਬੈਰੀਕੇਡਾਂ ਨਾਲ ਭਾਰੀ ਪੁਲਿਸ ਫੋਰਸ ਤਾਇਨਾਤ, ਸਾਰੇ ਐਂਟਰੀ ਪੁਆਇੰਟ ਵੀ ਕੀਤੇ ਗਏ ਸੀਲ

ਚੰਡੀਗੜ੍ਹ:ਕਿਸਾਨ ਚੰਡੀਗੜ੍ਹ ਵਿੱਚ ਪੱਕਾ ਮੋਰਚਾ ਲਗਾਉਣ ਅਤੇ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਰਿਹਾਇਸ਼ ਦਾ ਘਿਰਾਓ ਕਰਨ ਤਿਆਰੀ ਕਰ ਰਹੇ ਹਨ। ਕਿਸਾਨਾਂ ਨੂੰ ਰੋਕਣ ਲਈ ਚੰਡੀਗੜ੍ਹ ਦੇ SSP ਕੰਵਰਦੀਪ ਕੌਰ ਨੇ ਅਹੁਦਾ ਸੰਭਾਲਿਆ ਹੈ। ਚੰਡੀਗੜ੍ਹ ਦੇ ਸਾਰੇ ਐਂਟਰੀ ਪੁਆਇੰਟਾਂ ਨੂੰ ਸੀਲ ਕਰ ਦਿੱਤਾ ਗਿਆ ਹੈ ਅਤੇ ਬੈਰੀਕੇਡਾਂ ਨਾਲ ਭਾਰੀ ਪੁਲਿਸ ਫੋਰਸ ਤਾਇਨਾਤ ਕੀਤੀ ਗਈ ਹੈ। ਪ੍ਰਭਾਵਿਤ ਖੇਤਰਾਂ ਵਿੱਚ ਜ਼ੀਰਕਪੁਰ ਬੈਰੀਅਰ, ਫੈਦਾਨ ਬੈਰੀਅਰ, ਸੈਕਟਰ 48/49 ਡਿਵਾਈਡਿੰਗ ਰੋਡ, ਸੈਕਟਰ 49/50, ਸੈਕਟਰ 50/51 (ਜੇਲ੍ਹ ਰੋਡ), ਸੈਕਟਰ 51/52 (ਮਾਤੂਰ ਬੈਰੀਅਰ), ਸੈਕਟਰ 52/53 (ਕਜੇਰੀ ਚੌਕ), ਸੈਕਟਰ 53/54 (ਫਰਨੀਚਰ ਮਾਰਕੀਟ), ਸੈਕਟਰ 54/55 (ਬਡਹੇੜੀ ਬੈਰੀਅਰ), ਸੈਕਟਰ 55/56 (ਪਲਸੋਰਾ ਬੈਰੀਅਰ), ਨਵਾਂ ਗਾਓਂ ਬੈਰੀਅਰ ਅਤੇ ਮੁੱਲਾਂਪੁਰ ਬੈਰੀਅਰ ਸ਼ਾਮਲ ਹਨ। ਉਪਰੋਕਤ ਦੇ ਮੱਦੇਨਜ਼ਰ, ਆਮ ਲੋਕਾਂ ਨੂੰ ਕਿਸੇ ਵੀ ਭੀੜ/ਅਸੁਵਿਧਾ ਤੋਂ ਬਚਣ ਲਈ ਬਦਲਵੇਂ ਰਸਤੇ ਅਪਣਾਉਣ ਦੀ ਸਲਾਹ ਦਿੱਤੀ ਗਈ ਹੈ।

ਕਿਸਾਨਾਂ ਨੂੰ ਰੋਕਣ ਲਈ ਸ਼ਹਿਰ ਭਰ ‘ਚ 2500 ਜਵਾਨ ਤਾਇਨਾਤ ਕੀਤੇ ਜਾਣਗੇ। 12 ਵਿਸ਼ੇਸ਼ ਚੌਕੀਆਂ ‘ਤੇ ਲਗਭਗ 1200 ਜਵਾਨਾਂ ਦੇ ਇਲਾਵਾ SHO ਅਤੇ DSP ਵੀ ਤਾਇਨਾਤ ਰਹਿਣਗੇ । SSP ਨੇ ਕਿਹਾ ਕਿ ਕਿਸਾਨਾਂ ਨੂੰ ਰੋਕਣ ਰੋਕਣ ਲਈ ਕੁਝ ਵੀ ਕਰੋ, ਪਰ ਕੋਈ ਵੀ ਕਿਸਾਨ ਸ਼ਹਿਰ ਦੇ ਅੰਦਰ ਨਾ ਆਵੇ। ਉਨ੍ਹਾਂ ਨੇ ਛੁੱਟੀ ‘ਤੇ ਗਏ ਸਾਰੇ ਸੈਨਿਕਾਂ ਨੂੰ ਵਾਪਸ ਬੁਲਾਉਣ ਲਈ ਵੀ ਕਿਹਾ ਹੈ।  ਸਾਰੇ ਪੁਲਿਸ ਕਰਮਚਾਰੀ ਸਵੇਰੇ 8 ਵਜੇ ਤੋਂ ਰਾਤ 8 ਵਜੇ ਤੱਕ ਡਿਊਟੀ ‘ਤੇ ਰਹਿਣਗੇ।